కరోనా నుంచి కాపాడుకోవాలంటే ముఖాన్ని కవర్ చేసుకోవాల్సిందేనంటున్న మేయర్

కరోనా వైరస్ కలవరపెడుతున్న వేళ తగిన జాగ్రత్తలు తీసుకోవాాలని చెబుతున్నారు న్యూయార్క్ మేయర్. "స్పష్టంగా చెప్పాలంటే, మాస్క్, స్కార్ఫ్ ఇలా ఏదైనా కావొచ్చు”. వీటిని మీరు మీ ఇంట్లోనే సృష్టించుకోవచ్చు. ఇది మీకు అసౌకర్యంగా ఉన్నా తప్పనిసరి అని మరువకండి" అని డి బ్లాసియో విలేకరులతో అన్నారు"అవి కచ్చితంగా ప్రొఫెషనల్ సర్జికల్ మాస్క్ మాత్రమే కానవసరం లేదు. వాస్తవానికి, ఆరోగ్య సంరక్షణకు సంబంధించిన కార్మికులకు అవసరమైన ఈమాస్కులను మీరు ఉపయోగించకూడదని మేము కోరుకుంటున్నాము. మీరు వాటిని ఉపయోగించవద్దు" అని ఆయన చెప్పారు .

అమెరికాలో ఈ ఘోరమైన కోవిడ్ -19 వ్యాప్తికి ప్రధాన కేంద్రంగా న్యూయార్క్ ఉంది.

నగరంలో 1,562 మరణాలతో సహా దాదాపు 50 వేల కేసులు నమోదయ్యాయని మేయర్ కార్యాలయం తెలిపింది.

జాన్స్ హాప్కిన్స్ విశ్వవిద్యాలయం లెక్కల ప్రకారం, గురువారం సాయంత్రం నాటికి, యునైటెడ్ స్టేట్స్లో మొత్తం 2,42,000 కంటే ఎక్కువ కేసులు నమోదవ్వగా, 5,800 మరణాలు సంభవించాయి.

కరోనా వైరస్ గురించి రోజువారీ వైట్ హౌస్ సమావేశంలో అధ్యక్షుడు డొనాల్డ్ ట్రంప్ విలేకరులతో మాట్లాడుతూ, అమెరికన్లందరూ వారి ముఖాలను కప్పుకోవడం తప్పనిసరిగా, తాను భావించడం లేదని అన్నారు.